Contents
ZNMD Poems Lyrics | Zindagi Na Milegi Dobara | Farhan Akhtar Lyrics
ZNMD Poems is a song from the album/film “Zindagi Na Milegi Dobara. This song is sung by Farhan Akhtar. Its music is composed by . And the lyrics are penned by Javed Akhtar.
Zindagi Na Milegi Dobara is directed by Zoya Akhtar starring Hrithik Roshan, Abhay Deol, Farhan Akhtar, Katrina Kaif.
ZNMD Poems Lyrics in Hindi
ZNMD Poems Lyrics Transliteration (English)
Poem 1 – Apne Hone Par Mujhko Yaqeen Aa Gaya
Pighle neelam sa behta hua ye sama
Neeli-Neeli si khamoshiyaan
Na kahin hai zameen, na kahin Aasmaan
Sarsarati hui tehniyaan, pattiyaan
Keh raheen hai ki bas ek tum ho yahaan
Sirf main hoon
Meri saansein hain aur meri dhadkanein
Aisi gehraiyaan, aisi tanhaiyaan
Aur main sirf main
Apne hone par mujhko yaqeen aa gaya
Poem 2 – Yeh Jaane Kaisa Raaz Hai
Ik baat honthon tak hai jo aayi nahin
Bas ankhon se hai jhaankti
Tumse kabhi, mujhse kabhi
Kuch lafz hain woh maangti
Jinko pahen ke honthon tak aa jaaye woh
Awaaz ki baahon mein baahein daalke ithlaaye woh
Lekin jo yeh ik baat hai
Ehsaas hi ehsaas hai
Khushboo si hai jaise hawa mein tairti
Khushboo jo be awaaz hai
Jiska pata tumko bhi hai
Jiski khabar mujhko bhi hai
Duniya se bhi chhupta nahin
Yeh jaane kaisa Raaz hai
Poem 3- Dil Aakhir Tu Kyun Rota Hai
Jab jab dard ka baadal chhaya
Jab gham ka saya lehraaya
Jab aansoo palkon tak aaya
Jab yeh tanha dil ghabraaya
Hum ne dil ko yeh samjhaya
Dil aakhir tu kyun rota hai?
Duniya mein yun hi hota hai
Yeh jo gehre sannate hain
Waqt ne sabko hi baante hain
Thoda gham hai sabka qissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyun rota hai
Poem 4 – Toh Zinda Ho Tum
Dilon mein tum apni betabiyan leke chal rahe ho.
Toh zinda ho tum!
Nazar mein khwaabon ki bijliyan leke chal rahe ho
Toh zinda ho tum!
Hawa ke jhonkon ke jaise aazad rehna seekho
Tum ek dariya ke jaise, leharon mein behna seekho
Har ek lamhe se tum milo khole apni baahein
Har ek pal ek naya samaa dekhiye
Jo apni aankhon mein hairaniyan leke chal rahe ho
Toh zinda ho tum!
Dilon mein tum apni betabiyan leke chal rahe ho
Toh zinda ho tum!
ZNMD Poems Song Information
| Song | ZNMD Poems |
|---|---|
| Singer | Farhan Akhtar |
| Album | Zindagi Na Milegi Dobara |
| Lyricist | Javed Akhtar |
| Director | Zoya Akhtar |
| Cast | Hrithik Roshan, Abhay Deol, Farhan Akhtar, Katrina Kaif |
| Language | Hindi |