भउजी माने झगरी | प्रकाश उदय
भउजी माने झगरी | प्रकाश उदय
भउजी माने झगरी
पानी माने मछरी
ना धइला खतिरा
बुड़ि-बुड़ि पोखरा नहइला खतिरा
मारे-मारे उपटी
भइयो के डपटी
छोड़इला खतिरा
‘बाचा बाटे’ कहिके बचइला खतिरा
सरदी में हरदी
पियाई जबरजसती
दवइया खतिरा
घासो गढ़े जाय ना दी गइया खतिरा
कमरा प कमरा
ओ प अँकवरवा
जड़इया खतिरा
अपने के गारी दी सतइला खतिरा
जसहीं टँठाइब
फेरुओ डँटाइब
काथी दोनी कब दोनी कइला खतिरा
अउरू ना त डेलिए डँटइला खतिरा